მთავარი | ფუნგიციდები | რიდომილ გოლდი

რიდომილ გოლდი

მეფენოქსამი 40 გ/კგ + მანკოცები 640 გ/კგ

დაავადება / მავნებელი

ჭრაქი

ბრენდი

Syngenta, შვეიცარია

ღირებულება

1.00 კგ 60.00

რიდომილ გოლდი კონტაქტურ–სისტემური მოქმედების ფუნგიციდია, რომელსაც  სამმაგი მოქმედების უნარი ახასიათებს: დამცავი, სამკურნალო და ანტისპორათწარმომქმნელი. პრეპარატი იცავს მცენარეს  როგორც გარედან, ისე შიგნით პათოგენის შეჭრისგან. რიდომილდ გოლდი ეფექტურად უმკლავდება ჭრაქსა და ფიტოფტორას.

მოქმედების მექანიზმი:

პრეპარატის მოქმედი ნივთიერება მეფენოქსამი გადანაწილდება მთელ მცენარეში და იცავს მის  ახლად წარმოქმნილ ორგანოებს. პრეპარატი გამოიყენება აქტიური ვეგეტაციის პერიოდში და ინარჩუნებს ეფექტურობას მაღალი ინფექციური ფონის დროსაც.


უპირატესობები:

  • სისტემური მოქმედებით იწვევს პათოგენის სიკვდილს მცენარის ქსოვილებში
  • პრეპარატის იცავს მცენარეს გარედან სოკოვანი დაავადებებისგან
  • პრეპარატი იცავს მთლიან მცენარეს, მათ შორის ახლად წარმოქმნილი ნაზარდებსაც, რაც საიმედოს ხდის პრეპარატს რთულ პირობებში 
  • მაღალი მდგრადობა ნალექის მიმართ.
  • შესხურებიდან 30 წუთის შემდეგ პრეპარატი მთლიანად გადანაწილდება მცენარეში
  • არ ხასიათდება ფიტოტოქსიკურობით

კულტურა მავნებელი ხარჯვის ნორმა კგ/ჰა სამუშაო ხსნარის მოცულობა ლ/ჰა ლოდინის პერიოდი დღეები (გამოყენების ჯერადობა)
კარტოფილი ფიტოფტოროზი ალტერნარიოზი (მაკროსპორიოზი) 2.5 300-500 20(3)
ვაზი ჭრაქი 2.5 600-800 20(4)
პომიდორი (ღია და დახურული გრუნტი) ფიტოფტოროზი ალტერნარიოზი (მაკროსპორიოზი) 2.5 500-1500 10(4)
კიტრი (ღია და დახურული გრუნტი) ჭრაქი 2.5 500 20(3)
ხახვი ჭრაქი 2.5 300-500 20(3)

გამოყენების ინსტრუქცია;

  • პესტიციდების არასწორმა გამოყენებამ ადამიანის ორგანიზმსა და გარემოს შეიძლება საფრთხე შეუქმნას, ამიტომ უსაფრთხოების ნორმების მკაცრი დაცვა აუცილებელია;
  • თავდაპირველად, სპეციალისტის მიერ, უნდა შეფასდეს მიწის ნაკვეთის მდგომარეობა და ის მავნე ორგანიზმები, რომლებიც მცენარეებს აზიანებენ;
  • პესტიციდების გამოყენებამდე დეტალურად გაეცანით ანოტაციას;
  • პესტიციდის შეძენისას გაითვალისწინეთ მისი ხარჯვის საჰექტრო ნორმა და წამლობის ჯერადობა;
  • პესტიციდი შეიძინეთ მხოლოდ სპეციალიზებულ მაღაზიაში!
  • თქვენ უნდა დარწმუნდეთ, რომ პრეპარატი ,რომელსაც იძენთ ნამდვილად აპრობირებული და თქვენს საჭიროებებზე მორგებულია;

 

უსაფრთხოება;

  • პესტიციდის შეძენისას შეამოწმეთ ტარა, რომელშიც პრეპარატია მოთავსებული;
  • ჭურჭელი ჰერმეტულად დახურული უნდა იყოს და სახურავს დაუზიანებელი დამცავი რგოლი გააჩნდეს;
  • პესტიციდის ტარაზე მიკრული უნდა იყოს ეტიკეტი ქართულ ენაზე, რომელშიც მითითებულია პრეპარატის დასახელება, მოქმედი ნივტიერება და კონცენტრაცია, გამოყენების რეკომენდაციები, პრეპარატის შენახვის პირობები და ვარგისიანობის ვადა, მწარმოებელი ქვეყანა და სახელმწიფო რეგისტრაციის ნომერი.

 

არ შეიძინოთ პესტიციდი თუ!!!

  • ჭურჭელს არ გააცნია ეტიკეტი და დაზიანებულია საცობი;
  • არ იმყოფებით სპეციალიზებულ მაღაზიაში, რომლის პროდუქციაც რეგისტრირებულია საქართველოს კანონმდებლობით დადგენილი წესით;
  • არ იმყოფებით ისეთ მაღაზიაში, სადაც სპეციალისტი არ გაძლევთ პროფესიონალურ რჩევას ერთ სავეგეტაციო პერიოდში გამოსაყენებელი რაოდენობის პესტიციდების შესახებ, რათა თავიდან აიცილოთ ნარჩენი რაოდენობის პესტიციდების შენახვის (დასაწყობების) აუცილებლობა;

 

დაუშვებელია:

  • ქიმიური წამლობის პროცესში სპეციალური ტანსაცმლის გარეშე მუშაობა, რომელიც მაქსიმალურად დაფარავს თქვენს სხეულს;
  • რეზინის ხელთათმანის, ჩექმის, სათვალის, რესპირატორის გარეშე მუშაობა;
  • ქარიან ამინდში მცენარების შეწამლვა;
  • შუადღისას ქიმიური წამლობის ჩატარება - წამლობა უნდა ჩატარდეს დილის ან საღამოს საათებში;
  • ქიმიურ პრეპარატებთან შიშველი ხელებით მუშაობა და დაბინძურებული ხელით სიგარეტის მოწევა, ან საკვების/სასმლის მიღება;
  • პესტიციდების ტარის საყოფაცხოვრებო მიზნებისთვის გამოყენება;
  • პესტიციდების ტარა უნდა დაიხვრიტოს და ღრმად ჩაიფლას, სპეციალიზებულ ამოცემენტებულ ორმოში.
  • ქაღალდის და მუყაოს შესაფუთი მასალა უნდა დაიწვას. არ შეისუნთქოთ წვისას გამოყოფილი ბოლი, ის საზიანოა ჯანმრთელობისთვის;

 

სამუშაოს დასრულების შემდგომ:

  • რეკომენდირებულია საპნით და წყლის ნაკადით დაბანა, შხაპის მიღება;
  • დაბინძურებული ტანსაცმლის გარეცხვა და ცალკე მოთავსება;
  • სამუშაოს დასრულების შემდეგ გარეცხეთ შესაწამლი აპარატურა, ნარეცხი წყალი დამუშავებულ ნაკვეთში გახარჯეთ;

 

როგორ მოვიქცეთ პესტიციდით მოწამვლის შემთხვევაში

  • თუ დაზარალებულმა შეისუნთქა პესტიციდის ორთქლი, ექიმის მოსვლამდე მოაშორეთ სამუშაო ადგილს;
  • კანზე მოხვედრისას დაუყოვნებლივ ჩამოიბანეთ წყლის ჭავლით, დამწვრობის შემთხვევაში მიმართეთ ექიმს;
  • პრეპარატის თვალში მოხვედრისას აუცილებლად გამოირეცხეთ თვალი წყლის ჭავლით 10 წუთის განმავლობაში და დაუყოვნებლივ მიმართეთ ექიმს;
  • პესტიციდის გადყლაპვის შემთხვევაში დაზარალებულმა ექიმის მოსვლამდე უნდა მიიღოს ჭიქა წყალი აქტივირებულ ნახშირთან ერთად;
  • როცა ადამიანი უგონო მდგომარეობაში იმყოფება დაუშვებელია პირღებინების პროვოცირება;
  • პესტიციდის ტარის ეტიკეტი გადაეცით ექიმს.
შეფუთვა ფასი
1 კგ 60 ლ
10 კგ 71.5 ლ

მსგავსი პროდუქცია