მიწათმოქმედების ერთ-ერთი უმნიშვნელოვანესი შემადგენელი რგოლი მცენარეთა დაცვაა, რომლის გარეშეც უხვი, ხარისხიანი და ეკოლოგიურად სუფთა სასოფლო სამეურნეო  პროდუქტის მიღება შეუძლებელია. ყოველწლიურად, სოფლის მეურნეობის სერთაშორისო ორგანიზაციის (FAO) მონაცემებით, მავნებლებისა და დაავადებებისგან მიღებული ზარალი მსოფლიო კულტურების მოსავლის 20-25%-ს შეადგენს. 

მცენარეთა დაცვის ღონისძიებების დროულად ჩატარება განსაკუთრებით საფრთხილო და ყურადსაღებია თანამედროვე პერიოდში, რადგან სასოფლო-სამეურნეო პროდუქტებით, მუდმივად მზარდი მოსახლეობის დაკმაყოფილება მნიშვნელოვან გამოწვევად იქცა. 

საგარეჯოს მომსახურების ცენტრი კახეთის ბაზარზე ერთ-ერთი ყველაზე წარმატებულია. ცენტრში მომუშავე პროფესიონალი აგროკონსულტანტები სასოფლო-სამეურნეო პროდუქციის მავნებლებისგან დაცვის სწორ მიდგომებს ნერგავენ და ადგილობრივ (და არა მარტო) ფერმერებს სხვადასხვა კულტურის მოსავლიანობის გასაზრდელად დეტალურ რეკომენდაციებს აწვდიან. 

საგარეჯოს ფერმერთა მომსახურების ცენტრი აქტიურად მუშაობს კახეთის რეგიონში წარმოდგენილი ნათესებისა და ნარგავების დასაცავად და უხვმოსავლიანობის მიღების პროცესში მნიშვნელოვან როლს ასრულებს. მაღალკვალიფიცირებული სპეციალისტები არსებულ და პოტენციურ მომხმარებლებს ერთნაირი ყურადღებით ემსახურებიან და გუნდურად მუშაობენ მეურნეთა მოლოდინების გასამართლებლად.

,,აგრონომის" მომსახურების ცენტრში მსოფლიოში აპრობირებული პრეპარატების ფართო ასორტიმენტია წარმოდგენილი. აქ პესტიციდები, სასუქები, სოფლის მეურნეობაში გამოსაყენებელი მცირე ტექნიკა შეგიძლიათ შეიძინოთ. კონკრეტული კულტურების დაცვის სქემებისა და თქვენს ინდივიდუალურ მეურნეობაზე მორგებული სწორი მიდგომების გამოყენებით, ჩვენი პროფესიონალები მუდმივად მზად არიან დახმარების აღმოსაჩენად და მომხმარებელთან გულწრფელობაზე აგებული ურთიერთობის ჩამოსაყალიბებლად, რაც კომპანიის კორპორაციული კულტურისთვის ძირითადი საყრდენია.