სასათბურე მეურნეობა სწრაფად მზარდი და პერსპექტიული მიმართულებაა, რადგან საქართველოს ბაზარზე, ამ გზით, სხვადასხვა პროდუქტის იმპორტის შემცირების პოტენციალი არსებობს. სოფლის მეურნეობის პროდუქციის წარმოების და მოვლა-მოყვანის პერიოდის ზრდის თვალსაზრისით, სათბურები ერთ-ერთი მთავარი ტექნოლოგიური საშუალებაა, რომლის გამოყენებაც, ბოლო 50 წლის მანძილზე, განვითარებულ და განვითარებად ქვეყნებში, ერთნაირი ტემპებით ვითარდება. ეს იმით არის განპირობებული, რომ ბოსტნეული და ბაღჩეული კულტურების მიმართ მოთხოვნა ყველა სეზონზე მატულობს.

სასათბურე მეურნეობის კუთხით იმერეთი ერთ-ერთი ყველაზე განვითარებული რეგიონია. კომპანია ,,აგრონომის“ მომსახურების ცენტრი, სოფელ გეგუთში, სხვადასხვა ბოსტნეული და მარცვლეული კულტურების მოყვანით დაკავებულ ფერმერებს აქტიურ დახმარებას უწევს. მცენარეთა დაცვის საშუალებების ფართო ასორტიმენტი და ევროპული სათესლე მასალა კომპანიის მომხმარებლებისთვის სამეურნეო საქმიანობის შეუცვლელი ატრიბუტებია. პროფესიონალი აგროკონსულტანტების რეკომენდაციებზე დაყრდნობით, გეგუთის მომსახურების ცენტრში, მცენარის დაავადებებთან და მავნებლებთან ბრძოლის, ყველაზე მაღალეფექტური საშუალებების შეძენა შეგიძლიათ, რასაც ბაზარზე არაერთი ფერმერის წარმატებული გამოცდილება ადასტურებს. ინდივიდუალური დაცვის პროგრამის მიხედვით, აგრონომის გუნდი მეურნეებს მნიშვნელოვან დახმარებას უწევს, რათა ხარისხიანმა და უხვმა მოსავალმა არ დააყოვნოს.

მცენარეთა დაცვის საშუალებების ეფექტურობა მათ სწორ, ნორმირებულ და დროულ გამოყენებაზეა დამოკიდებული, ამიტომ სპეციალისტების ჩართულობა, მოსავლის შესაძლო დანაკარგებს თავიდან აგარიდებთ. მთელ მსოფლიოში წარმოებული სასურსათო პროდუქციის 20-25% სწორედ დაავადებების/მავნებლების გამო იკარგება და ეს რიცხვი პესტიციდების გამოყენების გარეშე გაორმაგდებოდა. ადგილობრივ ბაზარს, ხარისხიანი პროდუქტის წარმოების დიდი პოტენციალი აქვს, რასაც იმერეთში კომპანია ,,აგრონომი“ 20 წლიან გამოცდილებაზე დაყრდნობით, ხელს აქტიურად უწყობს.