კალიუმის ქლორიდი კალიუმით გაჯერებული მინერალური სასუქია, რომელიც აქტიურად გამოიყენება სოფლის მეურნეობაში, როგორც ცალკეული საკვები ელემენტების დანიშნულებით, ასევე აზოტოვან და ფოსფორიან სასუქებთან კომბინაციაში. კალიუმის როლი მცენარის სრულფასოვანი ზრდისთვის სასიცოცხლო მნიშვნელობისაა. კალიუმი ნაყოფის სწორად ფორმირების პროცესზე, ხარისხზე, შეფერილობასა და რაოდენობაზე ახდენს გავლენას, რაც მოსავლიანობის ზრდას განაპირობებს. 

პრეპარატის მოქმედების მექანიზმი:

კალიუმის ქლორიდი მცენარის უჯრედების კედლების ფორმირებაში მონაწილეობს. კალიუმის ქლორიდის გამოყენებისას მცენარეს უჯრედის უფრო მდგრადი და სქელი  კედლები უვითარდება, რაც დაავადებების მიმართ რეზისტენტობას ზრდის. სასუქი ასევე აძლიერებს ფესვთა სისტემას და დამატებით იმუნიტეტს უვითარებს მცენარეს ზამთრის პირობებში. კალიუმის ქლორიდი მცენარეს წყლის უკეთ ათვისებაში ეხმარება, მცენარე მოიხმარს ნაკლები ოდენობის წყალს და ფერმერებისთვის გვალვის რისკი მნიშვნელოვნად მცირდება. 

პრეპარატის გამოყენების უპირატესობები:

• კალიუმის ქლორიდი ზრდის მაღალი ხარისხის მოსავლის მიღებას;
• იზრდება მოსავლიანობის მაჩვენებელი;
• იზრდება რეზისტენტობა დაავადებების მიმართ;
• მცენარე უკეთ ითვისებს წყალს;
• მცენარე გამძლეა რთულ მეტეოროლოგიურ და გარემო პირობებში;
• მცენარეში შაქრის, ვიტამინების, კაროტინის და ორგანული მჟავების შემცველობის ზრდას უწყობს ხელს;
• ხორბლის, ქერის, ბრინჯისა და პარკოსანთა კულტურების თესლებში ფერმენტების გააქტიურებას და ცილების შემცველობის ზრდას უწყობს ხელს;

გამოყენების რეკომენდაციები:

• სასოფლო-სამეურნეო კულტურების მოსავლიანობის გასაზრდელად მინერალური სასუქების გამოყენება მთავარი საშუალებაა;
• მინერალური სასუქების გამოყენებისას მოსავალი 50%-იანი ნამატით მიიღება;
• სასუქებზე უარის თქმა თქვენს მეურნეობას მნიშვნელოვნად დააზარალებს;
• სასუქის სწორად შეტანისათვის გასათვალისწინებელია მცენარის ბიოლოგიური თავისებურებები, კლიმატურ ნიადაგური პირობები და მოსავლის დონე, რათა საჭიროების შემთხვევაში ცვლილებები განვახორციელოთ;