იმიდაკლოპრიდი წარმოადგენს მაღალეფექტურ სისტემურ-კონტაქტური მოქმედების, ნეონიკოტინოიდური ჯგუფის ინსექტიციდს, მავნებლების ფართო სპექტრის წინააღმდეგ, კერძოდ: კარტოფილში, პომიდორში - კოლორადოს ხოჭოს, თრიფსების, ბუგრების, ვაშლსა, ქლიავზე - მწუწნი მავნებლების, ბუგრების, ცხვირგრძლების, ციტრუსში - ფრთათეთრას, ბუგრების, თრიფსების, ტკიპების, ვაზში - ყურძნის და კვირტის ჭიას, ფარიანების, ფილოქსერას, დახურულ გრუნტში ბოსტნეულ კულტურებზე - ბუგრების, თრიფსების, ფრთათეთრას წინააღმდეგ. პრეპარატის გამოყენება ასევე მნიშვნელოვანია სათბურებში.

მოქმედების მექანიზმი:

პრეპარატს აქვს მკვეთრად გამოხატული კონტაქტური აქტივობა. მცენარეში აღწევს ფოთლების, ღეროსა და ფესვის მეშვეობით. პრეპარატი აქტიურად მოქმედებს მავნებლების ნერვულ სისტემაზე და ბლოკავს პოსტსინაფსური ნერვის რეცეპტორებს. ინსექტიციდი სწრაფად თრგუნავს სიგნალიზაციას მავნებლების ცენტრალური ნერვული სისტემის მეშვეობით, რის შედეგადაც ისინი ჯერ კარგავენ მოძრაობის უნარს, შემდეგ წყვეტენ კვებას და იღუპებიან (ერთი დღის განმავლობაში). მოქმედების ფუნდამენტურად ახალი მექანიზმის გამო, პრეპარატი გამოიყენება მავნებლების პოპულაციის წინააღმდეგ, რომელიც რეზისტენტულია ტრადიციული ინსექტიციდების მიმართ. მოქმედებს როგორც ზრდასრულ მწერებზე, ასევე სხვადასხვა ასაკის ლარვებზე. ერთჯერადი შესხურებით პრეპარატს შეუძლია ხანგრძლივად დაიცვას მცენარე მავნებლისაგან. დამცავი ეფექტი 20-25 დღის განმავლობაში ნარჩუნდება, რაც წამლობების რაოდენობის შემცირების საშუალებას იძლევა.

 პრეპარატის გამოყენების უპირატესობები:

• აქვს ხანგრძლივი დაცვითი ეფექტი მავნებლების ფართო სპექტრის წინააღმდეგ;
• მაღალი ინსექტიციდური აქტივობა (მათ შორის ფოსფოროგრანული და პირეტროიდული ინსექტიციდების მიმართ);
• სისტემური მოქმედება (მოქმედებს ფარულად მყოფ მავნებლებზე);
• კონტაქტურ - ნაწლავური მოქმედებით, მავნებლების სწრაფი განადგურება;
• თავსებადია მინერალურ სასუქებთან და პესტიციდებთან;
• ადვილად არ ჩამოირეცხება მცენარიდან;
• მაღალეფექტურია გამოყენებიდან 1 საათში;
• პრეპარატის ნორმირებული გამოყენება გამორიცხავს მის ფიტოტოქსიკურობას;
• მავნებლების სწრაფი განადგურების უნარი (გამოხატული ნაწლავურ-კონტაქტური მოქმედების გამო);
• გამოიყენება თესვის წინასწარი დამუშავებისთვის;        თავსებადია ზრდის სტიმულატორებთან, რომლებიც უზრუნველყოფენ  ყველაზე ერთგვაროვან ყლორტებს და ასტიმულირებენ მეორადი ფესვების განვითარებას;
• ფესვთა სისტემის ძლიერი მოქმედებიდან გამომდინარე, საიმედოდ იცავს ახალგაზრდა ყლორტებს და ფოთლებს, რომლებიც დამუშავების შემდეგ იზრდება;
• პრეპარატი არ მოქმედებს გარემოზე უარყოფითად;

პრეპარატის გამოყენების რეკომენდაციები:

• დამუშავების დროს ჰაერის ოპტიმალური ტემპერატურაა +12°С-დან +25°С-მდე;
• ინსექტიციდი გამოიყენება მცენარეების სამკურნალოდ ვეგეტაციის პერიოდში, როდესაც მავნებელი გამოჩნდება;
• რეზისტენტობის თავიდან ასაცილებლად, რეკომენდებულია პრეპარატის შეცვლა სხვადასხვა ქიმიური ჯგუფის ინსექტიციდებით;
• თავსებადია ფუნგიციდების უმეტესობასთან. უმჯობესია გამოყენებამდე ჩატარდეს ქიმიური შემოწმება (ტესტი);
• არ გამოიყენოთ პროდუქტი გაღივებულ, დაბზარულ/დაზიანებულ, ან მაღალი ტენიანობის მქონე თესლებზე;
• პრეპარატის გამოყენებამდე მარცვალი უნდა გაიწმინდოს უცხო დანამატებისა და მტვრისაგან;
• თესლის დამუშავება ტარდება წინასწარ, ან უშუალოდ თესვის წინ;
• ინსექტიციდი გამოიყენება მცენარეების შესაწამლად ვეგეტაციის პერიოდში მავნებლების გამოჩენისას;
• სამუშაო ხსნარის მოსამზადებლად წყალი სუფთა უნდა იყოს (წყალში დიდი რაოდენობით უცხო სხეულები, სილა, ან თიხა შეიძლება მნიშვნელოვნად  იმოქმედოს ინსექტიციდის ეფექტურობაზე);
• სამუშაო ხსნარი უნდა მომზადდეს უშუალოდ შეწამვლის წინ;