Facebook
Google
მთავარი | ფუნგიციდები | თანბაჯი
თანბაჯი
ალუმინის ფოსეთილი 800 გ/კგ
პრეპარატული ფორმა ღირებულება
აირჩიე:
ხელმისაწვდომია
ბრენდი
-
+
ხელმისაწვდომია
თანბაჯი გამოიყენება ძირითად სასოფლო-სამეურნეო კულტურებში სხვადასხვა სოკოვანი დაავადებების წინააღმდეგ საბრძოლველად. საუკეთესო შედეგისთვის მისი გამოყენება რეკომენდირებილია პროფილაქტიკურად.
მოქმედების მექანიზმი:
თანბაჯი მაღალეფექტური მოქმედების ფუნგიციდია სოკოვანი დაავადებების წინააღმდეგ გამოსაყენებლად. მას აქვს როგორც პროფილაქტიკური, ასევე, სამკურნალო თვისებები. პრეპარატის შესხურებიდან სწრაფადვე აღწევს მცენარეში და გადაადგილდება წვენთან ერთად აღმავალი დინებით ფლოემის გავლით, ფოთლებიდან ფესვებამდე და პირიქით ფესვებიდან ან ღეროდან ზევით ქსილემის გავლით, ძველი ფოთლებიდან ახალგაზრდა ფოთოლზე. შედეგად ბლოკავს სოკოს მიცელიუმის ზრდას და სპორების წარმოქმნას. პრეპარატი ეფექტურია სოკოს განვითარების ყველა სტადიაში.
თანბაჯი - პრეპარატის გამოყენების უპირატესობები:
· პრეპარატს ახასიათებს ხანგრძლივი დაცვა, განსაკუთრებით დაავადების გამოვლინების საწყის ეტაპზე;
· ახასიათებს სამკურნალო ეფექტი;
· მოსახერხებელია გამოსაყენებლად (ადვილად იხსნება და ნაწილდება დოზებად)
| კულტურა | დაავადება | დოზირება კგ/ჰა-ზე | ლოდინის პერიოდი (გამოყენების ჯერადობა) |
|
ვაშლი,მსხალი, კომში |
ბაქტერიული დამწვრობა (Erwinia amylovora) | 3 | 30(2) |
| მზესუმზირა | პერონოსპოროზი (Pseudoperenospora cubensis) | 1.2-1.5 | 20(3) |
|
რაფსი (საგაზაფხულო) რაფსი (საშემოდგომო) |
პერონოსპოროზი (Peronospora brassicae) | 1.2-1.8 | 20(3) |
| კიტრი (ღია გრუნტი) | პერონოსპოროზი (Pseudoperenospora cubensis) | 2 (0.3% სუსპენზია) | 7 (3) |
| ხახვი (თესლის) (მწვანე ხახვის გარდა) | პერონოსპოროზი (Pseudoperenospora destructor) | 1.2-2 (0.4% სუსპენზია) | 20(5) |
| მარწყვი (საჩითილე) | ფიტოპტოროზი (Pytophthora cactorum) | 4 (0.2% სუსპენზია) | 30(2) |
| ვაზი | ჭრაქი (Plasmopara viticola) | 2 | 30(2) |
| პომიდორი (ღია გრუნტი) | ფიტოპტოროზი (Pytophthora infestans) | 1.5-2 | 7(3) |
| საზამთრო, ნესვი | ჭრაქი (Pseudoperenospora cubensis) | 1.2-1.5 | 7(3) |
| კურკოვნები | ხეხილის ბაქტერიული დამწვრობა (Erwinia amilovora) ფიტოპტოროზი (Pytophthora infestans) | 2.5-4.0 | 14(2) |
| ნუში, თხილი | ბაქტერიული დამწვრობა-ნუში (Polystigma rubrum), თხილი (Xanthomonas arboricola), ფიტოფტოროზი (Phytophthora infstans) | 2.5-5.0 | 14(3) |
| მოცვი |
ანთრაქნოზი (Colletotrichum spp.) ალტერნარიოზი (Alternaria alternata) ფიტოპტოროზი (Phytophthora kemoviae) |
2.5-3.0 (ფოთლიდან) |
7(2) (14-21 დღიანი ინტერვალით) |
| კომბოსტო (ყველა სახეობა) |
ჭრაქი (Peronospora brassicae) |
2.0-3.0 |
3(6) |
| ციტრუსები |
ფიტოპტოროზი (Pytophthora infestans), სიდამპლეები- ნაყოფების ნაცრისფერი სიდამპლე (Botrytis cinerea),შავი სიდამპლე(Alternaria alternata), ყავისფერი სიდამპლე (Monilinia fructigena) |
2.5-5.0 |
30(3) |
გამოყენების ინსტრუქცია;
- პესტიციდების არასწორმა გამოყენებამ ადამიანის ორგანიზმსა და გარემოს შეიძლება საფრთხე შეუქმნას, ამიტომ უსაფრთხოების ნორმების მკაცრი დაცვა აუცილებელია;
- თავდაპირველად, სპეციალისტის მიერ, უნდა შეფასდეს მიწის ნაკვეთის მდგომარეობა და ის მავნე ორგანიზმები, რომლებიც მცენარეებს აზიანებენ;
- პესტიციდების გამოყენებამდე დეტალურად გაეცანით ანოტაციას;
- პესტიციდის შეძენისას გაითვალისწინეთ მისი ხარჯვის საჰექტრო ნორმა და წამლობის ჯერადობა;
- პესტიციდი შეიძინეთ მხოლოდ სპეციალიზებულ მაღაზიაში!
- თქვენ უნდა დარწმუნდეთ, რომ პრეპარატი ,რომელსაც იძენთ ნამდვილად აპრობირებული და თქვენს საჭიროებებზე მორგებულია;
- პესტიციდის შეძენისას შეამოწმეთ ტარა, რომელშიც პრეპარატია მოთავსებული;
- ჭურჭელი ჰერმეტულად დახურული უნდა იყოს და სახურავს დაუზიანებელი დამცავი რგოლი გააჩნდეს;
- პესტიციდის ტარაზე მიკრული უნდა იყოს ეტიკეტი ქართულ ენაზე, რომელშიც მითითებულია პრეპარატის დასახელება, მოქმედი ნივტიერება და კონცენტრაცია, გამოყენების რეკომენდაციები, პრეპარატის შენახვის პირობები და ვარგისიანობის ვადა, მწარმოებელი ქვეყანა და სახელმწიფო რეგისტრაციის ნომერი.
არ შეიძინოთ პესტიციდი თუ!!!
- ჭურჭელს არ გააცნია ეტიკეტი და დაზიანებულია საცობი;
- არ იმყოფებით სპეციალიზებულ მაღაზიაში, რომლის პროდუქციაც რეგისტრირებულია საქართველოს კანონმდებლობით დადგენილი წესით;
- არ იმყოფებით ისეთ მაღაზიაში, სადაც სპეციალისტი არ გაძლევთ პროფესიონალურ რჩევას ერთ სავეგეტაციო პერიოდში გამოსაყენებელი რაოდენობის პესტიციდების შესახებ, რათა თავიდან აიცილოთ ნარჩენი რაოდენობის პესტიციდების შენახვის (დასაწყობების) აუცილებლობა;
დაუშვებელია:
- ქიმიური წამლობის პროცესში სპეციალური ტანსაცმლის გარეშე მუშაობა, რომელიც მაქსიმალურად დაფარავს თქვენს სხეულს;
- რეზინის ხელთათმანის, ჩექმის, სათვალის, რესპირატორის გარეშე მუშაობა;
- ქარიან ამინდში მცენარების შეწამლვა;
- შუადღისას ქიმიური წამლობის ჩატარება - წამლობა უნდა ჩატარდეს დილის ან საღამოს საათებში;
- ქიმიურ პრეპარატებთან შიშველი ხელებით მუშაობა და დაბინძურებული ხელით სიგარეტის მოწევა, ან საკვების/სასმლის მიღება;
- პესტიციდების ტარის საყოფაცხოვრებო მიზნებისთვის გამოყენება;
- პესტიციდების ტარა უნდა დაიხვრიტოს და ღრმად ჩაიფლას, სპეციალიზებულ ამოცემენტებულ ორმოში.
- ქაღალდის და მუყაოს შესაფუთი მასალა უნდა დაიწვას. არ შეისუნთქოთ წვისას გამოყოფილი ბოლი, ის საზიანოა ჯანმრთელობისთვის;
სამუშაოს დასრულების შემდგომ:
- რეკომენდირებულია საპნით და წყლის ნაკადით დაბანა, შხაპის მიღება;
- დაბინძურებული ტანსაცმლის გარეცხვა და ცალკე მოთავსება;
- სამუშაოს დასრულების შემდეგ გარეცხეთ შესაწამლი აპარატურა, ნარეცხი წყალი დამუშავებულ ნაკვეთში გახარჯეთ;
როგორ მოვიქცეთ პესტიციდით მოწამვლის შემთხვევაში
- თუ დაზარალებულმა შეისუნთქა პესტიციდის ორთქლი, ექიმის მოსვლამდე მოაშორეთ სამუშაო ადგილს;
- კანზე მოხვედრისას დაუყოვნებლივ ჩამოიბანეთ წყლის ჭავლით, დამწვრობის შემთხვევაში მიმართეთ ექიმს;
- პრეპარატის თვალში მოხვედრისას აუცილებლად გამოირეცხეთ თვალი წყლის ჭავლით 10 წუთის განმავლობაში და დაუყოვნებლივ მიმართეთ ექიმს;
- პესტიციდის გადყლაპვის შემთხვევაში დაზარალებულმა ექიმის მოსვლამდე უნდა მიიღოს ჭიქა წყალი აქტივირებულ ნახშირთან ერთად;
- როცა ადამიანი უგონო მდგომარეობაში იმყოფება დაუშვებელია პირღებინების პროვოცირება;
პესტიციდის ტარის ეტიკეტი გადაეცით ექიმს.
